• OSTERAK ITSASONTZIAN:

Adin guztietako ikasleentzako itsasontzi irteerak eskaintzen ditugu. Bidaia horietan Urdaibaiko kostaldearen beste ikuspegi bat izango dute, Matxitxakoko eta Ogoñoko lurmuturrek osatzen duten badiaren babesean beti ere.

Izaro uhartearen inguruetan ibili ondoren, enklabe honetako erabateko nagusiak diren kaioen eta ubarroien eremuan sartuko gara, eta gure bidean jarraituko dugu Urdaibai itsasadarraren bokalearen xarma deskubritu arte. Eta itsasgora izanez gero, itsasadarrean gora joango gara bertako ikuspegiez gozatzeko.

BESTE ZERBITZUAK

Era berean, gure zerbitzuak beste jarduera batzuekin ere konbina daitezke, hala nola, hauekin: Ibilbide gidatuekin, Itsas korapiloen tailerrekin, Arrantzalearen Museorako edo Baleontzirako bisitekin, etab.

• IDAZLEAREN ZERBITZUA

Hegaluze ontzietan aukera duzue Edorta Jimenez idazlearen zerbitzua kontratatzeko. Ibilbidean zehar, idazleak, Urdaibai Biosfera Erreserban diren usadioez, ohiturez, historiaz, faunaz, floraz eta bestez azalpenak eman ahal ditu. Azalpenok euskaraz nahi izanez gero, taldearen ezagutza mailari egokiturik eman ahal dira.”

EITB BIDEOA (TELEBERRI 2008/02/18)

• ARRANTZALE MUSEOA

6 eta 10 urte bitarteko umeentzat: Zetazeoak. Umeek itsasoko hainbat ugaztun ikusiko dituzte, haien ezaugarriak ikasi, irudiak ikusi eta haien soinuak entzungo dituzte; euskal balea; euskal baleazaleen abentura; balearen arrantza...

11 eta 16 urte bitarteko gazteak: Arrantzako sistemak eta kostera nagusiak ardatz lez hartuta: bokarta eta hegaluzea.

Euskaltegi eta barnetegietako ikasleak: Arrantza eta nautikako euskarazko terminologia azpimarratzen da, eta Bermeoko hizkerako zenbait berba azaltzen da.

Adinekoak: Museoaren eta edukien gaineko ikuspegi orokorra ematen da.

Asteburu guztietarako bisitaldi gidatuak: zapatuetan 11.30ean, 12.30ean eta 17.30ean, aurretik ordua eskatu barik.